Parde Jis Waqt Uthein

Parde jis waqt uthein jalwa-e-zebai ke Woh nigahban rahein chashm-e-tamannai ke

Dhoom hai farsh se ta arsh teri shaukat ki Khutbe hote hain jahanbani-o-darai ke

Husn rangini-o-talat se tumhare jalwe Gul-o-aaina bane mehfil-o-zebai ke

Zarra-e-dasht-e-Madine ki ziya mehr kare Achi saat se phirein din shab-e-tanhai ke

Pyar se le liye aaghosh mein sar-e-rehmat ne Paaye inaam tere dar ki jabeen sai ke

Free Up Space - Get Lyrics Without Bulky Screenshots!

Laash ahbaab isi dar par padi rehne dein Kuch toh armaan nikal jaayein jabeen sai ke

Jalwa-gar ho jo kabhi chashm-e-tamannai mein Parde aankhon ke hon parde teri zebai ke

Khaak-e-pamaal hamari bhi padi hai sar-e-raah Sadqe ae rooh-e-rawan teri masihai ke

Kyun na woh toote dilon ke khandhar aabaad karein Ke dikhane hain kamaal-e-anjuman araai ke

Zinaton se hain haseenan-e-jahan ki zeenat Zeenatein paati hain sadqe teri zebai ke

Naam-e-Aaqa hua jo lab se ghulamon ke buland Bala bala gaye gham aafat-e-balai ke

Arsh pe Kaaba-o-Firdous-o-dil-e-momin mein Shama afroz hain ikke teri yaktai ke

Tere mohtaaj ne paaya hai woh shahana mizaaj Is ki gudri ko bhi peewand hon darai ke

Apne zarron ke siyah khanon ko roshan kar do Mehr ho tum falak-e-anjuman araai ke

Poore Sarkar se chhote bade armaan hon sab Ae Hasan mere mire chhote bade bhai ke