Nigah e Lutf Ke Umeedwar

Nigah-e-lutf ke umeedwar hum bhi hain Liye hue yeh dil-e-beqarar hum bhi hain

Hamare dast-e-tamanna ki laaj bhi rakhna Tere faqiron mein ae Shahryar hum bhi hain

Idhar bhi tosan-e-aqdas ke do qadam jalwe Tumhari rah mein musht-e-ghubar hum bhi hain

No More Screenshots! Save Storage with Our Lyrics App!

Khila do ghuncha-e-dil sadqa-e-bad-e-daman ka Umeedwar-e-naseem-e-bahar hum bhi hain

Tumhari ek nigah-e-karam mein sab kuch hai Pare hue to sar-e-rah-guzar hum bhi hain

Jo sar pe rakhne ko mil jaye na'l-e-pak-e-Huzoor To phir kahenge ke haan tajdar hum bhi hain

Yeh kis shahanshah-e-wala ka sadqa bat'ta hai Ke khusruon mein pari hai pukar hum bhi hain

Hamari bigri bani unke ikhtiyar mein hai Supurd unhein ke hain sab karobar hum bhi hain

Hassan hai jin ki sakhawat ki dhoom alam mein Unhein ke tum bhi ho ek reza khwar hum bhi hain