Nigah e Lutf Ke Umeedwar

نگاہِ لطف کے اُمیدوار ہم بھی ہیں لئے ہوئے یہ دلِ بے قرار ہم بھی ہیں

ہمارے دَست تمنا کی لاج بھی رکھنا تِرے فقیروں میں اے شہر یار ہم بھی ہیں

اِدھر بھی توسن اَقدس کے دو قدم جلوے تمہاری راہ میں مشت غبار ہم بھی ہیں

کھلا دو غنچۂ دل صدقہ بادِ دامن کا امیدوارِ نسیمِ بہار ہم بھی ہیں

تمہاری ایک نگاہِ کرم میں سب کچھ ہے پڑے ہوئے تو سرِ راہ گزار ہم بھی ہیں

جو سر پہ رکھنے کو مل جائے نعل پاکِ حضور تو پھر کہیں گے کہ ہاں تاجدار ہم بھی ہیں

یہ کس شہنشہ والا کا صدقہ بٹتا ہے کہ خسروؤں میں پڑی ہے پکار ہم بھی ہیں

ہماری بگڑی بنی اُن کے اِختیار میں ہے سپرد اُنہیں کے ہیں سب کاروبار ہم بھی ہیں

Find Your Favorite Lyrics Anytime, Anywhere - Install the App Today!

حسنؔ ہے جن کی سخاوَت کی دُھوم عالم میں انہیں کے تم بھی ہواِک ریزہ خوار ہم بھی ہیں