Niga Mustafa Ki Jidhar Ho Rahi Hai

نگہ مصطفیٰ کی جدھر ہو رہی ہے اُدھر ہی خدا کی نظر ہو رہی ہے

وہ خاطر میں لاتے نہیں بادشاہی ترے در پہ جن کی بسر ہو رہی ہے

تصور میں لمحات لا کر تو دیکھو بلالی اذاں سے سحر ہو رہی ہے

ثنا خوانیِ مصطفیٰ ﷺ کی بدولت ثنا خوان تیری قدر ہو رہی ہے

تڑپتےہوۓ جو سکوں مل رہا ہے تڑپتےکی ان کو خبر ہو رہی ہے

ہےرشکِ ملائک جو آقا کے در پر مری زندگانی نذر ہو رہی ہے

میں ہر شب تری راہ تکتا ہوں آقا جدائی کیوں آخر اَمر ہو رہی ہے

عجب درد ہے یہ جدائی کا افضلؔ بچھڑتے ہوۓ آنکھ ترہو رہی ہے