Niga Mustafa Ki Jidhar Ho Rahi Hai

Nigah-e-Mustafa ki jidhar ho rahi hai Udhar hi Khuda ki nazar ho rahi hai

Find Your Favorite Lyrics Anytime, Anywhere - Install the App Today!

Woh khatir mein laatay nahin badshahi Tere dar pe jin ki basar ho rahi hai

Tasawwur mein lamhaat la kar to dekho Bilali azaan se sahar ho rahi hai

Sana khwani-e-Mustafa ﷺ ki badaulat Sana khwan teri qadar ho rahi hai

Tadapte huay jo sukoon mil raha hai Tadapte ki un ko khabar ho rahi hai

Hai rashk-e-malaik jo Aqa ke dar par Meri zindagani nazar ho rahi hai

Main har shab teri raah takta hoon Aqa Judai kyun aakhir amar ho rahi hai

Ajab dard hai yeh judai ka Afzal Bichadte huay aankh tar ho rahi hai