Aye Shehar e Nabi

Ae shehr-e-Nabi tere kya khoob nazare hain Barish jahan jalwon ki anwar ke dhare hain

Us waqt chalakte hain aankhon se meri aansu Jab Masjid-e-Nabvi ke nazar aate minar hain

Jab chhatriyan khulti hain Aaqa ke haram mein Kya adab ka manzar hai pur-kaif nazare hain

Hajat hi nahi rehti de dete hain woh itna Aaqa tere mangton ke kya ware nyare hain

Khairat bati husn ki aur noor ki har su hai Sarkar-e-Madinah ne jab gaisoo sanware hain

Download Lyrics & Access Offline - Install Our App Now!

Rukh tera jidhar hota Ka'ba bhi udhar phirta Khaliq ne tere husn ke kya naqsh utare hain

Hasnain o Ali Fatima hain deen ke aflak Aaqa hain qamar is mein as-haab sitare hain

Imaan yeh mera hai Afzal yeh aqeeda hai Jeete bhi sabhi un ki rehmat ke sahare hain