Teri Khatir Jahan

Teri khatir jahan banaya hai Saray aalam pe tera saya hai

Dar nahi hoga usko mehshar mein Tere daman mein jo samaya hai

Phir kisi deed ki talab na usay Jalwa tu ne jise dikhaya hai

Offline Lyrics Anytime, Anywhere - Download the App Today!

Mast-o-gum hai isi nazaray mein Tera deedar jis ne paya hai

Kisi shay ka basera kyun kar ho Dil mein main ne tujhe basaya hai

Jis ko thukra diya ho dunya ne Us ko tu ne galay lagaya hai

Main ne qalb-o-nazar ki wusat mein Teri tasveer ko sajaya hai