Seenay Nu Thar Diyan

سینےنوں ٹھاردیاں سرکار دیاں گلاں اوس عربی ڈھولن دےدربار دیاں گلاں

رہندے نیں فرشتےوی مصروف دروداں وچ رب آپ وی کردا اے خود یار دیاں گلاں

منیا میں جنت وی ویکھن دےقابل اے پر وکھریاں طیبہ دے بازاردیاں گلاں

جیہدےمکھ دیاں لاٹاں توں چن سورج سنگدےنیں من ٹھار نیں ماہی دےرخسار دیاں گلاں

امت لئ روندے سن جس غار دے وچ آقا قرآن وی کردا اےاوس غار دیاں گلاں

اوہدے حسن دی ہرشےنوں خیرات دتی رب نیں کی پچھناں ایں خالق دے شاہکار دیاں گلاں

عاشق تے کسے شےنوں گنتی چہ لیاندےنئیں جے کرن تے کردے نیں بس یار دیاں گلاں

Download Lyrics & Access Offline - Install Our App Now!

معراج دی راتیں وی امت نوں بھلایا نئیں کم آونیاں محشر وچ غم خواردیاں گلاں

سرکار نوں ویکھن دا ایہوورد وظیفہ اے کریا کر،سنیا کر دیدار دیاں گلاں

لا اقسم کہہ کے رب آپ وی کردا اے طیبہ دی نگری تے بازاردیاں گلاں

آقا تیرے افضل دا جد وقت نزع ہووے کردا ہووے اوس ویلےتیرےپیاردیاں گلاں