Nar e Dozakh Ko Chaman Kar

نارِ دوزخ کو چمن کر دے بہار عارِض ظلمتِ حشر کو دِن کر دے نہارِ عارِض

میں تو کیا چیز ہوں خود صاحبِ قرآں کو شہا لاکھ مصحف سے پسند آئی بہارِ عارِض

جیسے قرآن ہے وِرد اس گلِ محبوبی کا یُوں ہی قرآں کا وظیفہ ہے وقارِ عارِض

Find Your Favorite Lyrics Anytime, Anywhere - Install the App Today!

گرچہ قرآں ہے نہ قرآں کی برابر لیکن کچھ تو ہے جس پہ ہے وہ مَدح نگارِ عارِض

طُور کیا عرش جلے دیکھ کے وہ جلوۂ گرم آپ عارِض ہو مگر آئینہ دارِ عارِض

طرفہ عالم ہے وہ قرآن اِدھر دیکھیں اُدھر مصحفِ پاک ہو حیران بہارِ عارض

ترجمہ ہے یہ صفت کا وہ خود آئینۂ ذات کیوں نہ مصحف سے زیادہ ہو وقارِ عارض

جلوہ فرمائیں رخِ دل کی سیاہی مِٹ جائے صبح ہو جائے الٰہی شبِ تارِ عارض

نامِ حق پر کرے محبوب دل و جاں قرباں حق کرے عرش سے تا فرش نثارِ عارض

مشک بو زلف سے رُخ چہرہ سے بالوں میں شعاع معجزہ ہے حلبِ زلف و تتارِ عارض

حق نے بخشا ہے کرم نذرِ گدایاں ہو قبول پیارے اِک دِ ل ہے وہ کرتے ہیں نثارِ عارض

آہ بے مایگیِ دل کہ رضاؔئے محتاج لے کر اِک جان چلا بہر نثارِ عارض