Nahi Woh Sadma Yeh Dil Ko

Nahin woh sadma yeh dil ko kis ka khayal-e-rehmat thapak raha hai Ke aaj ruk ruk ke khoon-e-dil kuch meri mizah se tapak raha hai

Liya na ho jis ne un ka sadqa mila na ho jis ko un ka baara Na koi aisa bashar hai baqi na koi aisa malak raha hai

Kiya hai Haq ne Kareem tum ko idhar bhi lillah nigah kar lo Ke der se benawa tumhara tumhare hathon ko tak raha hai

Hai kis ke gesu-e-mushk-bu ki shamim-e-anbar fishaniyon par Ke jaye naghma safeer-e-bulbul se mushk-e-adhfar tapak raha hai

Instant Access to Thousands of Lyrics - Tap to Install!

Yeh kis ke ruy-e-nako ke jalwe zamane ko kar rahe hain roshan Yeh kis ke gesu-e-mushk-bu se masham-e-alam mehak raha hai

Hasan ajab kya jo un ke rang-e-maleeh ki teh hai pairahan par Ke rang par noor-e-mehr-e-gardoon kai falak se chamak raha hai