Nahi Woh Sadma Yeh Dil Ko

نہیں وہ صدمہ یہ دل کو کس کا خیال رحمت تھپک رہا ہے کہ آج رُک رُک کے خونِ دِل کچھ مری مژہ سے ٹپک رہا ہے

Offline Lyrics Anytime, Anywhere - Download the App Today!

لیا نہ ہو جس نے اُن کا صدقہ ملا نہ ہو جس کو اُن کا باڑا نہ کوئی ایسا بشر ہے باقی نہ کوئی ایسا مَلک رہا ہے

کیا ہے حق نے کریم تم کو اِدھر بھی لِلّٰہ نگاہ کر لو کہ دیر سے بے نوا تمہارا تمہارے ہاتھوں کو تک رہا ہے

ہے کس کے گیسوئے مشک بو کی شمیم عنبر فشانیوں پر کہ جائے نغمہ صفیر بلبل سے مشک اَذفر ٹپک رہا ہے

یہ کس کے روئے نکو کے جلوے زمانے کو کر رہے ہیں روشن یہ کس کے گیسوئے مشک بو سے مشامِ عالم مہک رہا ہے

حسنؔ عجب کیا جو اُن کے رنگِ ملیح کی تہ ہے پیرہن پر کہ رنگ پر نور مہر گردوں کئی فلک سے چمک رہا ہے