Nabi Ka Naam Jab

Nabi ka naam jab mere labon par raqs karta hai Lahu bhi meri shariyanon ke andar raqs karta hai

Meri be-chain aankhon mein woh jab tashreef laate hain Tasawwur un ke daaman se lipat kar raqs karta hai

Woh sahraon mein bhi paani pila dete hain pyaason ko Ke un ki ungliyon mein bhi samandar raqs karta hai

Pade hain naqsh-e-paaye Mustafa ke haar gardan mein Jabhee to rooh lahraati hai paikar raqs karta hai

Your Lyrics, Even Offline - Install the App for Free!

Khayal aata hai jab bhi garmi-e-roz-e-qayamat ka Gham-e-isyaan, sar-e-dariya-e-Kausar raqs karta hai

Zameen-o-aasman bhi apne qaboo mein nahin rehte Tadap kar jab Muhammad ﷺ ka qalandar raqs karta hai

Lagi hai bheed us ke gird yeh kaisi farishton ki Yeh kis ka naam le le kar Muzaffar raqs karta hai