Na Mere Sukhan Ko Sukhan Kaho

Na mere sukhan ko sukhan kaho Na meri nawa ko nawa kaho Meri jaan ko sahn-e-haram kaho Mere dil ko ghār-e-Hira kaho

Main likhoon jo madh-e-shah-e-umam Par Jibraeel bane qalam Main hoon ek zarra-e-be-daram Magar aaftab-e-sana kaho

Talab-e-shah-e-Arabi karoon Main tawaf-e-hub-e-Nabi karoon Magar ek be-adabi karoon Mujhe us gali ka gada kaho

Na dhanak na tara na phool hoon Qadam-e-Huzoor ki dhool hoon Main shaheed-e-ishq-e-Rasool hoon Meri maut ko bhi baqa kaho

Get Lyrics On-The-Go! Download Our App Now!

Jo ghareeb-e-ishq-e-naward ho Usay kyun na khwahish-e-dard ho Mera chehra kitna hi zard ho Meri zindagi ko hara kaho

Mile aap se sanad-e-wafa Ho buland martaba-e-safa Main kahoon Muhammad ﷺ Mustafa Kaho tum bhi salli ala kaho

Woh payam hai ke payam bar Woh hamare jaisa nahi magar Woh hai ek aaina-e-bashar Magar us ko aks-e-Khuda kaho

Yeh Muzaffar aisa makeen hai Ke falak pe jis ki zameen hai Yeh sag-e-Buraq nasheen hai Usay shahsawar-e-saba kaho