Na Mein Baaghi Hun

Na main baghi hoon na munkir na nikokaron mein Naam lewa hoon tera tere gunahgaron mein

Sar ragadte hain salateen-e-zamana aakar Dabdaba aisa na dekha kahin darbaron mein

Un ka banda jo bana hogaya azaad wahi Un se jo koi phira woh hai giraftaron mein

Why Screenshot When You Can Download? Get the App for Efficient Storage!

Un ka banda jo hua khuld hai us ki khwahan Un ke dushman hain jahannam ke sazawaron mein

Aaj jo chahein kahein pairo-e-Najdi-e-laeen Kal ko khul jayega uthein ge jo makkaroon mein

Sharm kar Mehr-e-Qayamat mujhe aankhein na dikha Un ko dekha hai main hoon jin ke gunahgaron mein

Aankh to khol ke dekho nigah-e-imaan se Shan-e-Wal-Shams nazar aati hai rukhsaron mein

Khubi-e-bakht se hojaye ziyarat jo naseeb Naam likh jaye mera aap ke zawwaron mein

Aap ke sadqe mein ae rooh-e-jinan jaan-e-chaman Kharman-e-gul hi nazar aate hain angaron mein

Ek nabuwat to nahi baqi hain jitne ausaaf Jama hain ae Shah-e-Lau-laak tere yaron mein

Be-talab apne bhikari ki bhare jo jholi Aisi sarkar batade koi sarkaron mein

Haath utha kar mere Data mujhe tukda dede Ae Kareem-e-Arabi main bhi hoon haq-daron mein

Koh-e-gham kaah na kyon kar ho Jameel Qadri Rehmat-e-Shah-e-Arab jab hai gunahgaron mein