Na Ho Aram Jis Bimar Ko

Na ho aaram jis bimaar ko saare zamane se Utha le jaaye thodi khaak unke aastane se

Tumhare dar ke tukdon se pada milta hai ek aalam Guzara sab ka hota hai isi mohtaj khane se

Koi firdaus ho ya khuld ho hum ko gharz matlab Lagaya ab to bistar aap hi ke aastane se

Na kyun un ki taraf Allah sau sau pyaar se dekhe Jo apni aankhein milte hain tumhare aastane se

Get Lyrics On-The-Go! Download Our App Now!

Zameen thodi si de de bahr-e-madfan apne koocha mein Laga de mere pyaare meri mitti bhi thikane se

Na pahunche un ke qadmon tak na kuch husn-e-amal hi hai Hasan kya poochte ho hum gaye guzre zamane se