Na Ho Aram Jis Bimaar Ko

Na ho aaram jis bimar ko saare zamane se Utha le jaaye thodi khaak unke aastane se

Tumhare dar ke tukdon se pada palta hai ik aalam Guzara sab ka hota hai isi mohtaj khane se

Shab-e-Isra ke dulha par nichawar hone wali thi Nahi toh kya gharaz thi itni jaano ke banane se

Koi firdous ho ya khuld ho hum ko gharaz matlab Lagaya ab toh bistar aap hi ke aastane se

Na kyun un ki taraf Allah sau sau pyaar se dekhe Jo apni aankhein milte hain tumhare aastane se

Tumhare toh woh ehsaan aur yeh na-farmaniyan apni Hamein toh sharm si aati hai tum ko munh dikhane se

Bahar-e-khuld sadqe ho rahi hai roo-e-ashiq par Khuli jaati hain kaliyan dil ki tere muskurane se

Zameen thodi si de de bahr-e-madfan apne koocha mein Laga de mere pyaare meri mitti bhi thikane se

Palat-ta hai jo zaair us se kehta hai naseeb us ka Are ghaafil qaza behtar hai yaan se phir ke jaane se

Bulalo apne dar par ab toh hum khana-badoshon ko Phirein kab tak zaleel-o-khwar dar dar be-thikane se

No More Screenshots! Save Storage with Our Lyrics App!

Na pahunche un ke qadmon tak na kuch husn-e-amal hi hai Hassan kya puchte ho hum gaye guzre zamane se