Mustafa e Zaat e Yakta

Mustafa-e-zaat-e-yakta aap hain Yek ne jis ko yek banaya aap hain

Aap jaisa koi ho sakta nahin Apni har khoobi mein tanha aap hain

Aab-o-gil mein noor ki pehli kiran Jaan-e-Adam jaan-e-Hawwa aap hain

Husn-e-awwal ki namood-e-awwaleen Bazm-e-aakhir ka ujala aap hain

La-makan tak jis ki phaili roshni Woh charagh-e-aalam ara aap hain

Never Be Without Your Favorite Lyrics - Get the App for Offline Access!

Hai namak jis ka khameer husn mein Woh maleeh-e-husn ara aap hain

Zeb-o-zeen-e-khaak-o-fakhr-e-khaakiyaan Zeenat-e-arsh-e-mualla aap hain

Naazish-e-arsh-o-waqar-e-arshiyaan Sahib-e-qausain-o-adna aap hain

Aap ki tal’at Khuda ka aaeena Jis mein chamke haq ka jalwa aap hain

Aap ki ru’iyat hai deedar-e-Khuda Jalwa-gah-e-Haq Ta’ala aap hain

Aap ko Rabb ne kiya apna habeeb Saari khilqat ka khulasa aap hain

Aap ki khatir banaye do jahan Apni khatir jo banaya aap hain

Jaan tu’i jaanaan qarar-e-jaan tu’i Jaan-e-jaan jaan-e-maseeha aap hain

Paikar-e-har shai mein jaan ban kar nihan Pardon pardon mein huwaida aap hain

Aap se khud aap ka sa’il hoon main Jaan-e-jaan meri tamanna aap hain

Aap ki tal’at ko dekha jaan di Qabr mein pahuncha to dekha aap hain

Bar darat aamad gada behr-e-sawaal Ho bhala Akhtar ka daata aap hain