Mujh Ko Pohancha De Khuda

Mujh ko pohancha de Khuda Ahmad-e-Mukhtar ke paas Haal-e-dil arz karoon Sayyid-e-Abrar ke paas

Jis ko dekho woh isi dar pe chala aata hai Bheer hai shah-o-gada ki dar-e-Sarkar ke paas

Be-talab jis ko jo chahein woh ata karte hain Sab khazane hain mere Malik-o-Mukhtar ke paas

Daulat-o-fazl-o-karam ne'mat-o-jah-o-iqbal Konsi cheez nahin hai mere Sarkar ke paas

Badshahan-e-jahan dast-e-nagar hain un ke Haath phailaye khade rehte hain darbar ke paas

Yeh mohabbat hai ke awaz-e-aghisni sun kar Daure aate hain woh har ek giraftar ke paas

Dil pe kunda hai tera ism-e-girami Shaha Zuhd-o-ta'at se nahin kuch bhi gunahgar ke paas

Ya Khuda hashr hai ya Eid hai mushtaqon ki Ke chale aate hain woh talib-e-deedar ke paas

Ya Rasool-e-Arabi meri shafa'at karna Pesh-e-a'maal hon jab Wahid-e-Qahhar ke paas

Dekh kar Rauza-e-pur-noor ko aisa tadpoon Dam nikal jaye mera aap ki deewar ke paas

Get Lyrics On-The-Go! Download Our App Now!

Hai Shaheedi ki tarah arz-e-Jameel-e-Razvi Meri turbat bhi bane aap ki deewar ke paas