Mujh Ko Dunya Ki Dolat Na Zar Chahiye

Mujh ko duniya ki daulat na zar chahiye Mah-e-Tayyabah ki meethi nazar chahiye

Haath uthte hi bar aaye har mudda Woh duaon mein meri asar chahiye

Aashiqan-e-Nabi ke hai dil ki sada Sabz gumbad ke saaye mein ghar chahiye

Zauq aata rahe ashk behte rahein Muztarib qalb aur chashm-e-tar chahiye

Raat din ishq mein tere tadpa karoon Ya Nabi aisa soz-e-jigar chahiye

Get Lyrics On-The-Go! Download Our App Now!

Ya Khuda jism se jaan jab ho juda Jalwa-e-Yaar pesh-e-nazar chahiye

Mujh ko Tayyabah mein do gaz zameen dijiye Bas na kuch aur Khair-ul-Bashar chahiye

Hum ghareebon ko roza pe bulwaiye Raah-e-Tayyabah ka zaad-e-safar chahiye

Apne Attar ko dar pe bulwaiye Izn-e-Tayyabah ka baar-e-digar chahiye