Muhammad Mustafa Jab Hashar

Muhammad Mustafa ﷺ jab hashr mein tashreef layenge To apne naam lewon ko ishaare mein chhurayenge

Jo mahshar mein pukaarenge aghisni Ya Rasool Allah To unki dast-geeri ke liye Sarkar aayenge

Raha hai wird jin ka Ya Rasool Allah duniya mein Woh mahshar mein tufail-e-Shah-e-Deen in’aam payenge

Agarche khaati o aasi hain hum lekin yaqeen yeh hai Rasool Allah hamari hashr mein bigdi banayenge

Jahannam cheekhta jab arsa-e-mahshar mein aayega Siyah-kaaron ko woh daaman-e-rehmat mein chhupayenge

Gunahgaaron ki bakhshish ka rahega un ke sar sehra Shafa’at ka Rasool Allah ko dulha banayenge

Muhammad wird-e-lab daaman-e-Ahmad dono hathon mein Gadayaan-e-Nabi is shaan se mahshar mein aayenge

Guzar jayenge pul se Rabb-e-sallim ki sada sun kar Woh beda paar khud apne ghulamon ka lagayenge

Tamaami ahl-e-mahshar ambiya ke paas se phir kar Usi Sarkar mein aakar muraadein apni payenge

Bi-hamd-e-Allah bacha kar naar se Firdous-e-A’ala mein Woh apne saamne ek ek ko daakhil karayenge

Shafa’at kar ke har ummat ki dargaah-e-Ilahi mein Khuda-e-paak se Mah-e-Madinah bakhshwayenge

Gunah ummat ke ud jayenge mahshar mein hawa ho kar Nazar rehmat ki hum par daal kar jab muskurayenge

Machal jayenge un ke daaman-e-aqdas pe jab aasi Unhein tashreef la kar Hazrat-e-Rizwaan manayenge

Baja hai jis qadar royen gham-e-ishq-e-Muhammad mein Woh ro kar pesh-e-Khaliq hum ghulamon ko hansayenge

Jo hon gi hashr mein sookhi zabaanein pyaas se bahar To Shah-e-Khuld o Kausar jaam bhar bhar ke pilayenge

Aghisni Ya Rasool Allah mahshar mein madad kijiye Tere be-dast o pa kis tarah baar-e-gham uthayengi

Woh jab aayenge mahshar mein fatarda ki sanad le kar Jo chahenge wahi hoga jo maangenge woh payenge

Jo jalte hain yahan sun kar sada-e-Ya Rasool Allah Wahan un ko farishte naar-e-dozakh mein jalayenge

Download Lyrics & Access Offline - Install Our App Now!

Jalayenge yahan hum munkiron ko Ya Nabi keh kar Wahan un ko farishte naar-e-dozakh mein jalayenge

Nahi go maal o zar lekin Madine mein pahunch kar hum Duroodon ke piro kar haar roze par chadhayenge

Khuda chahe to pesh-e-Haq adalat mein khade ho kar Jameel Qadri naat apne Maula ki sunayenge