Momino Waqt Adab Aya

Mominon waqt-e-adab hai Aamad-e-Mahboob-e-Rabb hai

Jaaye aadaab-o-tarab hai Aamad-e-Shah-e-Arab hai

Ghunche chatke phool mehke Shaakh-e-gul par murgh chehke

Rota hai Shaitan yeh keh ke Aamad-e-Shah-e-Arab hai

Khwahish-e-zulf-e-Nabi mein Mast hain gul ki shameemein

Jhoom kar aayin naseemein Aamad-e-Shah-e-Arab hai

Badliyan rehmat ki chhayin Boondiyan rehmat ki aayin

Ab muraadein dil ki payin Aamad-e-Shah-e-Arab hai

Baj rahe hain shaadiyane But lage kalma sunane

Har zaban pe hain tarane Aamad-e-Shah-e-Arab hai

Stop Wasting Storage - Download Lyrics in Lightweight Text Format!

Abr-e-rehmat chha gaya hai Ka'abe pe jhanda gaṛa hai

Baab-e-rehmat aaj wa hai Aamad-e-Shah-e-Arab hai

Qasr-e-Kisra kaanpta hai Khushk Sawa ho gaya hai

Har taraf se yeh sada hai Aamad-e-Shah-e-Arab hai

Aata woh mah-e-liqa hai Jis pe pyara Kibriya hai

Do jahan mein ghalghala hai Aamad-e-Shah-e-Arab hai

Aane wala hai woh pyara Donon aalam ka sahara

Ka'abe ka chamka sitara Aamad-e-Shah-e-Arab hai

Aata hai Shah-e-hukoomat Farz hai jis ki ita'at

Har Nabi ne di basharat Aamad-e-Shah-e-Arab hai

Hone wali woh sehar hai Jo sehar rashk-e-qamar hai

Muqaddam-e-Khair-ul-Bashar hai Aamad-e-Shah-e-Arab hai

Utho aaya taaj wala Arsh ki aankhon ka tara

Sab kaho ae Mah-e-Taibah Salawatullahi Alaik ﷺ