Mere Maula Mere Sarwar

Mere Maula mere sarwar Rahmatul-lil-Aalameen Mere Aaqa mere rehbar Rahmatul-lil-Aalameen

Laate hi tashreef farmaya ki Habli Ummati Ae shafee-e-roz-e-mahshar Rahmatul-lil-Aalameen

Dast-e-aqdas seena par ho rooh khinchti ho meri Lab pe jaari ho barabar Rahmatul-lil-Aalameen

Roz-e-mahshar shaan-e-rehmat ke karishme dekhna Hai ajab pur-noor manzar Rahmatul-lil-Aalameen

Main payam-e-zindagi samjhoon agar yoon maut aaye Aap ka dar ho mera sar Rahmatul-lil-Aalameen

Qudratein Rab ne tumhare tum ko di hain beshumar Mera chamka do muqaddar Rahmatul-lil-Aalameen

Madh-khwani ka sila deedar-e-Haq khuld-e-bareen Ho ata ya Shah-e-Kausar Rahmatul-lil-Aalameen

Aalam-e-ilm-e-ladunni aap ko Haq ne kiya Haal sab roshan hai tum par Rahmatul-lil-Aalameen

Kufr ki zulmat chhanti jab noor chamka aapka Haq ke khursheed-e-munawwar Rahmatul-lil-Aalameen

Apne daaman mein chhupa lena Khuda ke waaste Tez ho jab mehr-e-mahshar Rahmatul-lil-Aalameen

Dil mein aankhon mein jagah hai aap hi ke waaste Aa Suleman mor ke ghar Rahmatul-lil-Aalameen

Main bhikari dar-ba-dar kab tak phiroon khasta kharab Ab bula lo apne dar par Rahmatul-lil-Aalameen

Hum kameene roz-o-shab sote hain bilkul be-khabar Raat bhar rote the sarwar Rahmatul-lil-Aalameen

Mazhar-e-zaat-e-Khuda mehboob-e-Rabb-e-dusra Badshah-e-haft kishwar Rahmatul-lil-Aalameen

Jis ne dekhi teri surat Haq use yaad aagaya Kyun na hoon aankhein munawwar Rahmatul-lil-Aalameen

Tu ne farmaya Huwal-Mu'ti wa inni Qasim Kyun na mangoon tere dar par Rahmatul-lil-Aalameen

Roz-e-mahshar aasiyon ko bakhshwane ke liye Dhoondte hain misl-e-madar Rahmatul-lil-Aalameen

Hum ko khwahish hai na duniya ki na kuch uqba ki fikr Bas gaye hain dil ke andar Rahmatul-lil-Aalameen

Hai na koi tera saani aur na hoga ta-abad Har sifat mein sab se badhkar Rahmatul-lil-Aalameen

Door ne nazdeek ne aawaaz yaksaan hi suni Jab hue baala-e-mimbar Rahmatul-lil-Aalameen

Hum siyah-kaaron ki bakhshish ki koi surat nahi Naaz hai tere karam par Rahmatul-lil-Aalameen

No More Screenshots! Save Storage with Our Lyrics App!

Meri taat aur mohabbat mein raho basta kamar Bas yeh hai irshad-e-sarwar Rahmatul-lil-Aalameen

Deen ko chhodo na duniya ke liye ae momino Deen-o-duniya denge yaksar Rahmatul-lil-Aalameen

Jaaliyan hon haath mein aur iltijaen lab pe hon Ho muqaddar yaawari par Rahmatul-lil-Aalameen

Tere teri Aal ke sadqe mein ae jaan-e-jahan Ho muyassar Hajj-e-Akbar Rahmatul-lil-Aalameen

Tera jalwa tha shab-e-asra ki arsh-o-farsh mein Noor-e-Haq tha jalwa-gastar Rahmatul-lil-Aalameen

Kya zameen-o-aasmaan kya Anbiya kya Awliya Sab hain mushtaq tu hai masdar Rahmatul-lil-Aalameen

Bas Khuda un ko na kehna aur jo chaho kaho Sab se baala sab se bartar Rahmatul-lil-Aalameen

Zikr tera dilkusha aur naam tera jaan-fiza Fikr teri rooh-parwar Rahmatul-lil-Aalameen

Sab faseehan-e-zamana dam-ba-khud hairat mein hain Kaun hai tum sa sukhanwar Rahmatul-lil-Aalameen

Ramz-e-mehboob-o-muhib mein teesre ko dakhl kya Sirr-e-Haq hai zaat-e-athar Rahmatul-lil-Aalameen

Panjtan hain Fatima Khair-un-Nisa Sheer-e-Khuda Sibt-e-Akbar Sibt-e-Asghar Rahmatul-lil-Aalameen

Saya-e-arsh-e-Ilahi mein khada karna mujhe Hain siyah isyaan se daftar Rahmatul-lil-Aalameen

Be-padhe aalam ne har aalam pe ilm ilqa kiye Ilm-e-ghaib Haq ke mazhar Rahmatul-lil-Aalameen

Panja-e-qudrat sanware jin ko woh hain mushk-saan Tere gesuye mu'anbar Rahmatul-lil-Aalameen

Tum sakhi daata ho main adna bhikari aap ka De do tukda haath utha kar Rahmatul-lil-Aalameen

Nek bandon par to rehti hai inayat roz-o-shab Roosiya par bhi karam kar Rahmatul-lil-Aalameen

Sunte hi Jaa-uka istighfar mein karne laga Hoon jaraim afw yaksar Rahmatul-lil-Aalameen

Khadim-e-darban banalo banda-e-dargah ko Phir raha hoon khwar dar-dar Rahmatul-lil-Aalameen

Tishnagi-e-sharbat-e-deedar se muztar hoon main Ho ata lillah saghar Rahmatul-lil-Aalameen

Khauf-e-mahshar kyun Jameel Qadiri Razvi ko ho Donon aalam mein hain sar par Rahmatul-lil-Aalameen