Mere Ache Rasool

Mere achhe Rasool Kar mujhe maala maal Meri jholi mein daal Apne qadmon ki dhool Mere achhe Rasool

Tishnagi ka ilaaj Sang-e-Aswad ke paas Chaara-e-ikhtilaaj Sabz gumbad ke paas Ashk ban kar duayen Meri palkon pe aayen Aur sadayen lagayen Chal Muhammad ﷺ ke paas Takht maangoon na sej Koi parwana bhej Kar mujhe bhi qabool Mere achhe Rasool

Aarzoo-e-wisaal Jaise baahon mein hoor Aur dil ka yeh haal Jaise jalta ho Toor Tu hi mera madaar Tu hi mera hisaar Tu mire aar-paar Jaise sheeshe se noor Yun hai tu mere sang Jaise paani mein rang Jaise kaanton mein phool Mere achhe Rasool

Your Lyrics, Even Offline - Install the App for Free!

Teri furqat ki dhoop Meri fasl-e-bahaar Teri yaadon ka roop Mera jeevan singhaar Aankh jalwa-badosh Rooh ehram-posh Tere halqa-ba-gosh Mere lail-o-nahaar Ronaq-e-hast-o-bood Sirf tera wujood Tere sachay usool Mere achhe Rasool

Meri saanson ki baarh Tere aangan ke saath Mera guzray asaarh Tere sawan ke saath Abr-e-rehmat gawah Beh gaye sab gunah Jab se lipti nigah Tere daaman ke saath Raah-e-haq par mudaam Chalay tera ghulaam Ab na ho koi bhool Mere achhe Rasool