Meethe Madine Mein Bula

Meethay Madinay mein bula, ae aakhri Nabi Phir Gumbad-e-Khizra dikha, ae aakhri Nabi

Aakar karoon rotay huay Kaabay ka main tawaaf Makkah kay jalway phir dikha, ae aakhri Nabi

Rab ki ibaadat ki mujhay taufeeq chahiye Farmayiye Haq say dua, ae aakhri Nabi

Kar apni, apni Aal ki, As-haab-e-paak ki Ulfat mein gum Ya Mustafa, ae aakhri Nabi

Your Lyrics, Even Offline - Install the App for Free!

Dunya ki ulfat mein na rooon kaash! main kabhi Bas ishq mein apnay rula, ae aakhri Nabi

Hai dast-basta sar jhuka kar arz-e-Sayyidi Tu khwab mein jalwa dikha, ae aakhri Nabi

Aalaishon say paak kar kay meray dil mein tu Aaja sama ja ghar bana, ae aakhri Nabi

Sab ambiya kay ho tumhein sardar lajaram Tum sa nahin hai doosra, ae aakhri Nabi

Baad aap kay hargiz na aayay ga Nabi naya Wallah! imaan hai mera, ae aakhri Nabi

Imaan ki salamti ki bheek ho ataa Khaali na ab dar say phira, ae aakhri Nabi

Sarkar! isyaan kay marz say neem jaan hoon De do khudara ab shifa, ae aakhri Nabi

Aaqa! sunehri jaaliyon kay roo-ba-roo ho kaash Imaan pay mera khatma ae aakhri Nabi

De day shafa'at ki mujhay khairaat khair say Roz-e-qayamat bakhshwa, ae aakhri Nabi

Naar-e-jahannum say bacha kar hashr mein mujhay Qadmon mein jannat mein basa, ae aakhri Nabi

Ab waqt-e-rihlat aa gaya Attar-e-zaar ka Jalwa dikha, kalma parha, ae aakhri Nabi