Mar Ke Apni Hi Adaun

Mar ke apni hi adaon pe amar ho jaaun Un ki dehleez ke qabil main agar ho jaaun

Un ki raahon pe mujhe utna chalana Ya Rab Ke safar karte hue gard-e-safar ho jaaun

Zindagi ne to samandar mein mujhe phenk diya Apni mutthi mein woh le lein to guhar ho jaaun

Instant Access to Thousands of Lyrics - Tap to Install!

Mera mehboob hai, woh rahbar-e-kon-o-makan Jis ki aahat bhi main sun loon to Khizr ho jaaun

Is qadar ishq-e-Nabi ho ke mita doon khud ko Is qadar khauf-e-Khuda ho ke nadar ho jaaun

Zarb doon khud ko jo un se to lagoon la-ta'dad Woh jo mujh mein se nikal jaayein, sifar ho jaaun

Aarzoo ab to Muzaffar jo koi hai to yeh hai Jitna baqi hoon, Madine mein basar ho jaaun