Lootne Rehmatein Qaafle Mein Chalo

Lootne rahmaten qafilay mein chalo Seekhne sunnatain qafilay mein chalo

Chaaho gar barkatain qafilay mein chalo Paoge azmatain qafilay mein chalo

Hon gi hal mushkilain qafilay mein chalo Khatm hon shamatain qafilay mein chalo

Why Screenshot When You Can Download? Get the App for Efficient Storage!

Taibah ki justuju hajj ki gar aarzu Hai bata doon tumhein qafilay mein chalo

Ulfat-e-Mustafa aur khauf-e-Khuda Chahiye gar tumhein qafilay mein chalo

Gar Madinay ka gham chahiye chashm-e-nam Lene yeh ne’amatain qafilay mein chalo

Qarz hoga ada aake maango dua Paoge barkatain qafilay mein chalo

Dukh ka darman milay aayenge din bhalay Khatm hon gardishain qafilay mein chalo

Gham ke badal chhatein khoob khushiyan milein Dil ki kaliyan khilein qafilay mein chalo

Ho qawi hafizah theek ho hazimah Kaam saaray banein qafilay mein chalo

Ilm hasil karo jahl zail karo Pao gay rahatain qafilay mein chalo

Qarz ka baar ho, be-kasi yaar ho Chaaho gar rahatain qafilay mein chalo

Garchih hon garmiyan ya keh hon sardiyan Chaahay hon barishain qafilay mein chalo

Kaundain gar bijliyan ya chalein aandhiyan Chaahay oulay padein qafilay mein chalo

Baarah mah keliye tees din keliye Baarah din de hi dein qafilay mein chalo

Sunnatain seekhne teen din keliye Har mahinay chalein qafilay mein chalo

Ae mere bhaiyo! rat lagatay raho Qafilay mein chalein qafilay mein chalo

Phone par baat ho ya mulaqat ho Sab se kehte rahein qafilay mein chalo

Aap bazaar mein hon ya daftar mein hon Sab se kehte rahein qafilay mein chalo

Dars dein ya sunain ya bayan jo karein Is mein yeh bhi kahein qafilay mein chalo

Aashiqan-e-Rasool un se hum Madani phool Aao lene chalein qafilay mein chalo

Aashiqan-e-Rasool aaye lene dua Aao mil kar chalein qafilay mein chalo

Aashiqan-e-Rasool aaye hain marhaba Khair khwahi karein qafilay mein chalo

Aap jab bhi sunain qafila aa gaya Khair khwahi karein qafilay mein chalo

Khana le ke chalein thanda sharbat bhi lein Khair khwahi karein qafilay mein chalo

Un pe hon rahmatain qafilay ka sunain Khair khwahi karein qafilay mein chalo

Bakhsh de mere Maula tu un ko keh jo Khair khwahi karein qafilay mein chalo

Ya Khuda har ghari rat ho Attar ki Qafilay mein chalein qafilay mein chalo