Lahad Mein Ishq

Lahad mein ishq-e-rukh-e-Shah ka daagh le ke chale Andheri raat suni thi charagh le ke chale

Tere ghulamon ka naqsh-e-qadam hai rah-e-Khuda Woh kya behak sake jo yeh suragh le ke chale

Jinan banegi muhibban-e-chaar yaar ki qabr Jo apne seena mein yeh chaar bagh le ke chale

Gaye, ziyarat-e-dar ki, sad aah wapas aaye Nazar ke ashk piche dil ka daagh le ke chale

Madinah jaan-e-jinan-o-jahan hai woh sun lein Jinhein junoon-e-jinan su-e-zaagh le ke chale

Teri sahab-e-sukhan se na nam se bhi kam Baligh bahr-e-balaghat balagh le ke chale

Never Be Without Your Favorite Lyrics - Get the App for Offline Access!

Huzoor-e-Tayyibah se bhi koi kaam barh kar hai Ke jhoote heela makr-o-faragh le ke chale

Tumhare wasf-e-jamal-o-kamal mein Jibreel Mahal hi ke majal-o-masagh le ke chale

Gila nahin hai mureed-e-Rasheed-e-shaitan se Ke us ke wus'at-e-ilmi ka laagh le ke chale

Har ek apne bare ki barai karta hai Har ek mughbacha mugh ka ayagh le ke chale

Magar Khuda pe jo dhabba darogh ka thopa Yeh kis la'een ki ghulami ka daagh le ke chale

Wuqoo-e-kidhb ke ma'ani durust aur Quddus Hiye ki phote ajab sabz bagh le ke chale

Jahan mein koi bhi kafir sa kafir aisa hai Ke apne Rabb pe safahat ka daagh le ke chale

Pari hai andhe ko aadat ke shorbe hi se khaye Bateer haath na aayi to zaagh le ke chale

Khabees bahr-e-khabeesa khabeesa bahr-e-khabees Ke saath jins ko baaz-o-kulagh le ke chale

Jo deen kawwon ko de baithi un ko yaksan hai Kulagh le ke chale ya ulagh le ke chale

Raza kisi sag-e-Tayyibah ke paun bhi chume Tum aur aah ke itna dimagh le ke chale