Lab Kausar Hai Mela Tishna

Lab-e-Kauthar hai mela tishna-kaaman-e-mohabbat ka Woh ubla dast-e-Saqi se woh ubla chashma sharbat ka

Free Up Space - Get Lyrics Without Bulky Screenshots!

Yeh aalam ambiya par un ke sarwar ki inayat ka Jise dekho liye jaata hai parwana shafa'at ka

Pila de apni nazron se chalakta jaam-e-ru'iyat ka Shah-e-Kauthar tarahhum tishna jaata hai ziarat ka

Wohi jo Rahmat-ul-lil-Alameen hain jaan-e-aalam hain Bada bhai kahe un ko koi andha baseerat ka

Mah-o-khursheed-o-anjum mein chamak apni nahin kuch bhi Ujala hai haqeeqat mein unhin ki paak tal'at ka

Bhatakta yun phire kab tak tumhara Akhtar-e-khasta Dikha do raasta us ko khudara shehar-e-ulfat ka