Lab Kausar Hai Mela Tishna

لب کوثر ہے میلہ تشنہ کامانِ محبت کا وہ ابلا دست ساقی سے وہ ابلا چشمہ شربت کا

یہ عالَم انبیاء پر ان کے سرور کی عنایت کا جسے دیکھو لئے جاتا ہے پروانہ شفاعت کا

پلا دے اپنی نظروں سے چھلکتا جام رؤیت کا شہ کوثر ترحم تشنہ جاتا ہے زیارت کا

Stop Wasting Storage - Download Lyrics in Lightweight Text Format!

وہی جو رحمۃللعالمین ہیں جانِ عالم ہیں بڑا بھائی کہے ان کو کوئی اندھا بصیرت کا

مہ و خورشید و انجم میں چمک اپنی نہیں کچھ بھی اجالا ہے حقیقت میں انہیں کی پاک طلعت کا

بھٹکتا یوں پھرے کب تک تمہارا اخترؔ خستہ دکھا دو راستہ اس کو خدارا شہر الفت کا