Kya Karein Mehfil e Dildar

Kya karen mehfil-e-dildar ko kyunkar dekhein Apne sarkar ke darbar ko kyunkar dekhein

Tab-e-nazzara toh ho yaar ko kyunkar dekhein Aankhein milti nahi deedar ko kyunkar dekhein

Dil-e-murda ko tere koocha mein kyunkar le jaayein Asar-e-jalwa-e-raftaar ko kyunkar dekhein

Jin ki nazron mein hai sehra-e-Madinah Bulbul Aankh utha kar tere gulzar ko kyunkar dekhein

Awaz-e-afw-e-gunah bikte hain ik majma hai Haaye hum apne khareedar ko kyunkar dekhein

Download Lyrics & Access Offline - Install Our App Now!

Hum gunahgar kahan aur kahan ruyat-e-arsh Sar utha kar teri deewar ko kyunkar dekhein

Aur sarkar bane hain toh unhi ke dar se Hum gada aur ki sarkar ko kyunkar dekhein

Dast-e-sayyad se aahu ko chhudayein jo kareem Daam-e-gham mein woh giraftar ko kyunkar dekhein

Tab-e-deedar ka daawa hai jinhein saamne aayein Dekhte hain tere rukhsar ko kyunkar dekhein

Dekhiye koocha-e-mehboob mein kyunkar pahunchein Dekhiye jalwa-e-deedar ko kyunkar dekhein

Ahlkaran-e-saqar aur irada se Hasan Naaz parwarda-e-sarkar ko kyunkar dekhein