Kya Kahun Kaise Hain Pyare

Kya kahoon kaise hain pyare tere pyare gesu Dono aariz hain zuha lail ke paare gesu

Dast-e-qudrat ne tere aap sanware gesu Hoor so naaz se kyun un pe na ware gesu

Khaak-e-Taibah se agar koi nikhare gesu Sunbul-e-khuld toh kya hoor bhi haare gesu

Sunbul-e-Taibah ko dekhe jo sanware gesu Sunbul-e-khuld ke Rizwan bhi nisaare gesu

Kis liye ambar sara na hon saare gesu Gesu kis ke hain yeh pyare hain tumhare gesu

Hon na kyun rahmat-e-Haq haq mein hamare gesu Gesu aye jaan-e-karam hain yeh tumhare gesu

Yeh ghata jhoom ke Kaaba ki faza par aayi Ur ke yaan abru pe chhaye hain tumhare gesu

Maah-e-tabaan pe hain rahmat ki ghataayein chhayin Ru-e-purnoor pe yaan chhaye tumhare gesu

Sar basajdah huye mihrab-e-kham-e-abru mein Kaaba-e-jaan ke jo aaye hain kinare gesu

Nair-e-hashar hai sar par nahin saya-e-sarwar Hai kari dhoop karein saya tumhare gesu

Sookh jaaye na kahin kisht-e-amal aye sarwar Boondiyan lakht-e-rahmat se utare gesu

Apni zulfon se agar na'l-e-mubarak poonchhe Rizwan barkat ke liye hoor ke dhare gesu

Gard jhaari hai tere roza ki baalon se shaha Mushk-bo kaise na hon aaj hamare gesu

Ab chamakti hai siyah-kaaro tumhari qismat Lo jhuke idhn ke sajde ko woh pyare gesu

Pesh-e-Maula-e-Raza jo hain jhuke sajde mein Karte hain bakhshish-e-ummat ke ishare gesu

Phuwar maston pe tere abr-e-karam ki barse Saqiya khol zara hauz kinare gesu

Saya bhi chahiye hai maston ko do chheente mein Kaash saqi ke khulein hauz kinare gesu

Ambaristan bane mahshar ka woh maidan sara Khol de saqi agar hauz kinare gesu

Bada-o-saqi lab-e-ju toh hain phir abr bhi ho Saqi khul jaayein tere hauz kinare gesu

More Lyrics, Less Storage - Install the App and Ditch the Screenshots!

Yeh sar-e-toor se girte hain sharare Noori Ru-e-purnoor pe ya ware hain taare gesu