Kul Alam Jis Ki Kutya

Kul aalam, jis ki kutiya jis ki parchhaein sawera Woh hai Rasul mera

Dekh na paaye itne pas-e-manzar mein nigah-e-Sughra Adam ki takhleeq hai jis ke naam ka pehla tughra Azal mein jis ki buniyadein hain abad mein jis ka dera Woh hai Rasul ﷺ mera

Jis ki kamli ke saaye mein aankh sahar ne kholi Jis ke lehje mein hum tak pahunchi qudrat ki boli Jis ke chaaron samt Khuda ne apna noor bikhera Woh hai Rasul ﷺ mera

Jis ki sacchai ne baatil ke sheh-zor pachhaare Jis ne tez hawaon ke seene par kheme gaare Jis ke dariya ki lehron ne kohsaron ko ghera Woh hai Rasul ﷺ mera

Free Up Space - Get Lyrics Without Bulky Screenshots!

Aap chataayi par soya baanti khairaat mein shahi Chhoo kar jis ke paaon ko qaid kehlaayi gumraahi Jis ki chaukhat par insaan ki azmat kare baseera Woh hai Rasul mera

Chaata jis ke talwon ko Jibreel ke rukhsaaron ne Aankhein bichhaayin jis ke istaqbaal ko sayyaron ne Pal do pal mein laga ke aaya jo Sidra ka phera Woh hai Rasul ﷺ mera

Lakhon salaam us par bhejon lakhon durood bhejon Rooh ko aksar us ke roze par be-wajood bhejon Jis ki rehmat ka ehsaan Muzaffar par buhteera Woh hai Rasul ﷺ mera