Kiya Mehakte Hain Mehakne Wale

Kya mehakte hain mehakne wale Bu pe chalte hain bhatakne wale

Jagmaga uthi meri gor ki khaak Tere qurban chamakne wale

Mah-e-be-dagh ke sadqe jaaun Yun damakte hain damakne wale

Arsh tak phaili hai taab-e-aariz Kya jhalakte hain jhalakne wale

Gul-e-Tayyaba ki sana gaate hain Nakhl-e-Tooba pe chahakne wale

Aasiyo! thaam lo daaman unka Woh nahi haath jhatakne wale

Abr-e-rehmat ke salami rehna Phalte hain paude lachakne wale

Arey yeh jalwagah-e-jaanan hai Kuch adab bhi hai phadakne wale

Sunniyo! un se madad maange jaao Pade bakte rahein bakne wale

Shama-e-yaad-e-rukh-e-jaanan na bujhe Khaak ho jaayein bhadakne wale

Maut kehti hai ke jalwa hai qareeb Ik zara so lein balakne wale

Koi un tez-rauon se keh do Kis ke ho kar rahein thakne wale

Dil sulagta hi bhala hai ae Zabt Bujh bhi jaate hain dehakne wale

Hum bhi kumhlane se ghafil the kabhi Kya hansa ghunchay chatakne wale

Find Your Favorite Lyrics Anytime, Anywhere - Install the App Today!

Nakhl se chhat ke yeh kya haal hua Aah o patte khadakne wale

Jab gire munh su-e-maikhana tha Hosh mein hain yeh behakne wale

Dekh ao zakhm-e-dil aape ko sambhaal Phoot behte hain tapakne wale

Mai kahan aur kahan main Zahid Yun bhi to chhakte hain chhakne wale

Kaf-e-darya-e-karam mein hain Raza Paanch fawware chhalakne wale