Kisi Ka Na Koi Jahan

Kisi ka na koi jahan yaar hoga Woh Aqa hamara khareedar hoga

Jo yaan ishq-e-Ahmad mein sarshar hoga Woh dunya-o-uqba mein hoshyar hoga

Nabi ki badaulat baroz-e-qayamat Khudawand-e-Alam ka deedar hoga

No More Screenshots! Save Storage with Our Lyrics App!

Bhatakte phiren kis liye un ke aasi Shafi-ul-Wara sab ka gham khwar hoga

Na ghabrayen aasi ke roz-e-qayamat FATARZA ka jalwa namudar hoga

Jise chahen bakshen ke khuld-o-jinan mein Khuda ki qasam dakhl-e-Sarkar hoga

Shafa'at ka dulha banayen ge un ko Unhen taj-e-bakhshish sazawar hoga

Yahan un ka daman pakar lo wagarna Madad chahna waan pe bekar hoga

Ibad-un-Nabi jayen jannat mein seedhe Mukhalif Nabi ka giraftar hoga

Madine ki galiyan dikha de Khudaya Ye achha wahin par dil-e-zar hoga

Jo dekhen ge hum sabz gumbad Nabi ka Hamara naseeba bhi bedar hoga

Madine pahunchne to do hum safeero Baseera mera zer-e-deewar hoga

Na chhoote kabhi apne murshid ka daman Jameel is se bera tera paar hoga