Khushboo e Dasht e Taiba

Khushbu-e-dasht-e-Tayyabah se bas jaaye gar dimagh Mehkaye bu-e-khuld mera sar-ba-sar dimagh

Paya hai paye sahib-e-meraj se sharaf Zarrat-e-kuye Tayyabah ka hai arsh par dimagh

Momin fadaye noor-o-shamim-e-Huzoor mein Har dil chamak raha hai mu'attar hai har dimagh

Aisa base ki bu-e-gul-e-khuld se base Ho yaad-e-naqsh-e-paye-Nabi ka jo ghar dimagh

Abad kar Khuda ke liye apne noor se Veeran dil hai dil se zyada khandar dimagh

Har khaar-e-Tayyabah zeenat-e-gulshan hai Andaleeb Nadan ek phool par itna na kar dimagh

Zahid hai mustahiq-e-karamat gunahgar Allah-o-Akbar itna mizaj is qadar dimagh

Ae Andaleeb khaar-e-haram se misal-e-gul Bak-bak ke harzah-goi se khali na kar dimagh

Be-noor dil ke waste kuch bheek mangte Zarrat-e-khaak-e-Tayyabah ka milta agar dimagh

Har dam khayal-e-pak iqamat-guzin rahe Ban jaaye ghar dimagh na ho rah-guzar dimagh

Stop Wasting Storage - Download Lyrics in Lightweight Text Format!

Shayad ki wasf-e-paye-Nabi kuch bayan kare Puri taraqqiyon pe rasa ho agar dimagh

Is bad-lagam ko khar-e-Dajjal jaaniye Munh aaye zikr-e-pak ko sun kar jo khar-dimagh

Un ke khayal se woh mile aman ae Hassanؔ Sar par na aaye koi bala ho sipar dimagh