Khushboo e Dasht e Taiba

خوشبوئے دشت ِطیبہ سے بس جائے گر دِماغ مہکائے بوئے خلد مرا سر بسر دِماغ

پایا ہے پائے صاحب معراج سے شرف ذَرَّاتِ کوئے طیبہ کا ہے عرش پر دِماغ

مومن فدائے نور و شمیم حضور میں ہر دِل چمک رہا ہے مُعَطَّر ہے ہر دِماغ

ایسا بسے کہ بوئے گل خلد سے بسے ہو یادِ نقش پائے نبی کا جو گھر دِماغ

آباد کر خدا کے لئے اپنے نور سے ویران دِل ہے دل سے زیادہ کھنڈر دِماغ

ہر خارِ طیبہ زینتِ گلشن ہے عندلیب نادان ایک پھول پر اتنا نہ کر دِماغ

زاہد ہے مستحق کرامت گنہگار اللہ اکبر اتنا مزاج اس قدر دِماغ

اے عندلیب خارِ حرم سے مثالِ گل بک بک کے ہرزہ گوئی سے خالی نہ کر دِماغ

More Lyrics, Less Storage - Install the App and Ditch the Screenshots!

بے نور دِل کے واسطے کچھ بھیک مانگتے ذَرَّاتِ خاکِ طیبہ کا ملتا اگر دِماغ

ہر دَم خیالِ پاک اِقامت گزیں رہے بن جائے گھر دِماغ نہ ہو رہ گزر دِماغ

شاید کہ وصف پائے نبی کچھ بیاں کرے پوری ترقیوں پہ رَسا ہو اگر دِماغ

اس بد لگام کو خر دَجَّال جانئے منہ آئے ذِکر پاک کو سن کر جو خر دِماغ

اُن کے خیال سے وہ ملے امن اے حسنؔ سر پر نہ آئے کوئی بلا ہو سپر دِماغ