Khuda Ki Khalk Mein Sab

Khuda ki khalq mein sab ambiya khaas Guroh-e-ambiya mein Mustafa khaas

Nirala husn andaaz-o-ada khaas Tujhe khaason mein Haq ne kar liya khaas

Tari ne'mat ke saa'il khaas ta aam Tari rehmat ke taalib aam ta khaas

Shareek is mein nahin koi payambar Khuda se hai jo tujh ko wasta khaas

Stop Wasting Storage - Download Lyrics in Lightweight Text Format!

Gunahgaro na ho mayus-e-rehmat Nahin hoti karimon ki ata khaas

Gada hoon khaas rehmat se mile bheek Na main khaas aur na meri iltija khaas

Mila jo kuch jise woh tum se paaya Tumhein ho maalik-e-mulk-e-Khuda khaas

Ghareebon benawaon bekas-on ko Khuda ne dar tumhara kar diya khaas

Jo kuch paida hua donon jahan mein Tasadduq hai tumhari zaat ka khaas

Tumhari anjuman araiyon ko Hua hangama-e-Qalu Bala khaas

Nabi ham paya hoon kya tu ne paaya Nabuwwat ki tarah har mo'jiza khaas

Jo rakhta hai jamaal-e-Man Ra'ani Usi munh ki sifat hai Wad-Duha khaas

Na bhejo aur darwazon par us ko Hassan hai aap ke dar ka gada khaas