Khuda Ke Pyare Nabi

Khuda ke pyare Nabi hamare Rauf bhi hain Raheem bhi hain Shafi bhi hain Rasool bhi hain Muta' bhi hain Qaseem bhi hain

Uthate takleefain kafiron se dua-e-hidayat ki un ki karte Tamam ausaf mein hain yakta Shakoor bhi hain Haleem bhi hain

Yeh la-dawa hai marz hamara tabib kyon kar karenge chara Ilaj mera karenge Aqa tabib-e-dil hain Hakeem bhi hain

Nahi hai kuch arz ki zaroorat ke un pe roshan hai sab ki halat Rasool-e-Akram Samee bhi hain Baseer bhi hain Aleem bhi hain

Unhein ke dar ke hain hum bhikari unhein ki yeh ne'matein hain sari Unhein ke hain Salsabeel-o-Kausar unhein ke qasr-e-Naeem bhi hain

Woh Arsh ke tajdar Maula sifat hai Yaseen sana hai Taha Ghani-o-Mu'ti hai naam un ka Arab ke durr-e-yateem bhi hain

Free Up Space - Get Lyrics Without Bulky Screenshots!

Har ek gul mein hai rang un ka zaban-e-bulbul pe un ka naghma Hai sab ki aankhon mein noor un ka woh sab ke dil mein muqeem bhi hain

Ata kiye hain laqab Khuda ne hamare Aqa ko kaise pyare Ameen bhi hain Makeen bhi hain Aziz bhi hain Azeem bhi hain

Main un ka banda woh mere Maula woh mere maalik main un ka barda Khuda ke fazl-o-karam se Aqa Hafeez bhi hain Kareem bhi hain

Unhein ke sar par hai taj-e-izzat unhein ke ba'is hai sari khilqat Na kyon hon maalik woh Arsh-e-Haq ke Habeeb bhi hain Kaleem bhi hain

Afu ho tum Aziz ho tum Wakeel ho tum Kafeel ho tum Tumhare bande hain hum agarche Saqeem bhi hain Aseem bhi hain

Jameel Qadri Razvi ko gham-e-azab-e-Aleem kyon ho Madine wale hain us ke sar par madad pe Ghous-e-Azeem bhi hain