Khak e Taiba Ki Agar Dil Mein

Khak-e-Tayyibah ki agar dil mein ho waq'at mehfooz Aib-e-kori se rahe chashm-e-baseerat mehfooz

Dil mein roshan ho agar sham-e-wilaye Maula Duzd-e-shaitan se rahe deen ki daulat mehfooz

Ya Khuda mahw-e-nazzara hoon yahan tak aankhein Shakal-e-Quran ho mere dil mein woh soorat mehfooz

Silsila zulf-e-mubarak se hai jis ke dil ko Har bala se rakhe Allah ki rehmat mehfooz

Thi jo us zaat se takmeel-e-faramain manzoor Rakkhi Khatam ke liye mohr-e-nabuwwat mehfooz

Ae nigahban mere tujh pe salat aur salam Do jahan mein tere banday hain salamat mehfooz

Wasta hifz-e-Ilahi ka bacha rahzan se Rahe iman-e-ghareeban dam-e-rehlat mehfooz

Shahi-e-kon-o-makan aap ko di Khaliq ne Kanz-e-qudrat mein azal se thi yeh daulat mehfooz

Never Be Without Your Favorite Lyrics - Get the App for Offline Access!

Tere qanoon mein gunjaish-e-tabdeel nahin Naskh-o-tarmeem se hai teri shariyat mehfooz

Jisay azaad kare qamat-e-Shah ka sadqa Rahe fitnon se woh ta roz-e-qayamat mehfooz

Is ko a'ada ki adawat se zarar kya pohanchay Jis ke dil mein ho Hassan un ki mohabbat mehfooz