Kahun Kya Haal Zahid

Kahon kya haal Zahid gulshan-e-Taibah ki nuzhat ka Ke hai khuld-e-bareen chhota sa tukra meri jannat ka

Ta'ala Allah Shaukat tere naam-e-pak ki Aaqa Ke ab tak Arsh-e-A'ala ko hai sakta teri haibat ka

Wakeel apna kiya hai Ahmad-e-Mukhtar ko main ne Na kyun kar phir rihayi meri mansa ho adalat ka

Get Lyrics On-The-Go! Download Our App Now!

Bulate hain usi ko jis ki bigri ye banate hain Kamar bandhna dayar-e-Taibah ko khulna hai qismat ka

Khulein Islam ki aankhein hua sara jahan roshan Arab ke chand sadqe kya hi kehna teri tal'at ka

Na kar ruswaye mehshar wasta mehboob ka Ya Rab Ye mujrim door se aaya hai sun kar naam rehmat ka

Muradein maangne se pehle milti hain Madinah mein Hujoom-e-jood ne roka hai barhna dast-e-hajat ka

Shab-e-Isra tere jalwon ne kuch aisa samaan bandha Ke ab tak Arsh-e-A'azam muntazir hai teri rukhsat ka

Yahan ke doobte dam mein idhar ja kar ubharte hain Kinara ek hai bahr-e-nadamat bahr-e-rehmat ka

Ghani hai dil bhara hai ne'mat-e-konain se daaman Gada hoon main faqeer-e-astan-e-khud badolat ka

Tawaf-e-rauza-e-Mola pe na-waqif bigarte hain Aqeedah aur hi kuch hai adab-daan-e-mohabbat ka

Khazan-e-gham se rakhna door mujh ko us ke sadqe mein Jo gul aye baghbaan hai itr tere bagh-e-san'at ka

Ilahi ba'd-e-murdan pardah-haye hail uth jayen Ujala mere marqad mein ho un ki sham-e-turbat ka

Suna hai roz-e-mehshar aap hi ka munh takenge sab Yahan poora hua matlab dil-e-mushtaq-e-ru'yat ka

Wajood-e-pak ba'is khilqat-e-makhlooq ka thehra Tumhari shan-e-wahdat se hua izhar-e-kasrat ka

Hamein bhi yaad rakhna sakanan-e-koocha-e-janan Salam-e-shauq pohanche bekasan-e-dasht-e-ghurbat ka

Hasan sar-e-kar-e-Taibah ka ajab darbar-e-aali hai Dar-e-daulat pe ik mela laga hai ahl-e-hajat ka