Kaaba Ke Badar ud Duja

Ka'ba ke badr-ud-duja tum pe karoron durood Tayyaba ke shams-ud-duha tum pe karoron durood

Shafi'-e-roz-e-jaza tum pe karoron durood Dafi'-e-jumla bala tum pe karoron durood

Jaan-o-dil-e-asfiya tum pe karoron durood Aab-o-gil-e-anbiya tum pe karoron durood

Laaye to ye doosra dausara jis ko mila Kushk-e-arsh-o-dana tum pe karoron durood

Aur koi ghaib kya tum se nihan ho bhala Jab na Khuda hi chupa tum pe karoron durood

Toor-e-koh-e-Kaleem pe jo shama' tha chaand tha sa'eer-e-koh-e-Maseeh ka Nayyir-e-Faraan hua tum pe karoron durood

Dil karo thanda mira wo kaf-e-pa chaand sa Seena pe rakh do zara tum pe karoron durood

Zaat hui intekhab wasf hue lajawab Naam hua Mustafa tum pe karoron durood

Ghayat-o-'illat sabab bahr-e-jahan tum ho sab Tum se bana tum bina tum pe karoron durood

Tum se jahan ki hayat tum se jahan ka sabat Asl se hai zill-e-banda tum pe karoron durood

Maghz ho tum aur post aur hain bahar ke dost Tum ho daroon-e-sara tum pe karoron durood

Kya hain jo behad hain laus tum to ho ghais aur ghous Chheente mein hoga bhala tum pe karoron durood

Tum ho Hafeez-o-Mughees kya hai wo dushman-e-khabees Tum ho to phir khauf kya tum pe karoron durood

Woh shab-e-mi'raj raaj woh saf-e-mahshar ka taj Koi bhi aisa hua tum pe karoron durood

Nuhta falahal falah ruhta farahal marah 'Ud laya'oodal hana tum pe karoron durood

Jaan-o-jahan-e-Maseeh daad ke dil hai jareeh Nabzein chhutin dam chala tum pe karoron durood

Uff woh rah-e-sanglakh aah ye pa shaakh shaakh Ae mire mushkil kusha tum pe karoron durood

Tum se khula bab-e-jood tum se hai sab ka wujood Tum se hai sab ki baqa tum pe karoron durood

Khasta hoon aur tum ma'az basta hoon aur tum malaz Aage jo Shah ki raza tum pe karoron durood

Garche hain behad qusoor tum ho 'Afuww-o-Ghafoor Bakhsh do jurm-o-khata tum pe karoron durood

Mehr-e-Khuda noor noor dil hai siyah din hai door Shab mein karo chandna tum pe karoron durood

Tum ho Shaheed-o-Baseer aur main gunah par daleer Khol do chashm-e-haya tum pe karoron durood

Chheent tumhari sahar chhoot tumhari qamar Dil mein racha do ziya tum pe karoron durood

Tum se Khuda ka zuhoor us se tumhara zuhoor Lim hai ye woh in huwa tum pe karoron durood

Be-hunar-o-be-tameez kis ko hue hain aziz Ek tumhare siwa tum pe karoron durood

Aas hai koi na paas ek tumhari hai aas Bas hai yehi aasra tum pe karoron durood

Tarim-e-a'la ka arsh jis kaf-e-pa ka hai farsh Aankhon pe rakh do zara tum pe karoron durood

Kehne ko hain aam-o-khas ek tumhein ho khalas Band se kar do raha tum pe karoron durood

Tum ho shifa-e-maraz khalq-e-Khuda khud gharaz Khalq ki haajat bhi kya tum pe karoron durood

Aah woh rah-e-sirat bandon ki kitni bisaat Al-madad ae rahnuma tum pe karoron durood

Be-adab-o-bad-lihaz kar na saka kuch hifaz 'Afw pe bhoola raha tum pe karoron durood

Lo teh-e-daman ke shama' jhonkon mein hai roz-e-jam' Aandhiyon se hashr utha tum pe karoron durood

Seena ke hai daagh daagh keh do kare baagh baagh Tayyaba se aakar saba tum pe karoron durood

Gisoo-o-qad lam-alif kar do bala munsarif La ke teh-e-tegh-e-la tum pe karoron durood

Tum ne barang-e-falaq jaib-e-jahan kar ke shaq Noor ka tadka kiya tum pe karoron durood

Naubat-e-dar hain falak khadim-e-dar hain malak Tum ho jahan badsha tum pe karoron durood

Khalq tumhari jameel khulq tumhara jaleel Khalq tumhari gada tum pe karoron durood

Tayyaba ke mah-e-tamam jumla rusul ke imam Nausha-e-mulk-e-Khuda tum pe karoron durood

Tum se jahan ka nizam tum pe karoron salaam Tum pe karoron sana tum pe karoron durood

Tum ho jawad-o-kareem tum ho raoof-o-raheem Bheek ho data ata tum pe karoron durood

Khalq ke hakim ho tum rizq ke qasim ho tum Tum se mila jo mila tum pe karoron durood

Nafi'-o-dafi' ho tum shafi'-o-rafi' ho tum Tum se bas afzoon Khuda tum pe karoron durood

Shafi-o-nafi ho tum kafi-o-wafi ho tum Dard ko kar do dawa tum pe karoron durood

Jaaein na jab tak ghulam khuld hai sab par haram Mulk to hai aap ka tum pe karoron durood

Mazhar-e-Haq ho tumhein muzhir-e-Haq ho tumhein Tum mein hai zahir Khuda tum pe karoron durood

Zordeh-e-na-rasan takiya-gah-e-be-kasan Badshah-e-mawara tum pe karoron durood

Barse karam ki bharen phoolain ni'am ke chaman Aisi chala do hawa tum pe karoron durood

Ek taraf a'da-e-deen ek taraf hasideen Banda hai tanha shaha tum pe karoron durood

Kyun kahoon be-kas hoon main kyun kahoon be-bas hoon main Tum ho main tum par fida tum pe karoron durood

Gande nikamme kameen mehenge hon kaudi ke teen Kaun hamein paalta tum pe karoron durood

Baat na dar ke kahein ghaat na ghar ke kahein Aise tumhein paalna tum pe karoron durood

Aison ko ne'mat khilao doodh ke sharbat pilao Aison ko aisi ghiza tum pe karoron durood

Girne ko hoon rok lo ghota lage haath do Aison par aisi ata tum pe karoron durood

Get Lyrics On-The-Go! Download Our App Now!

Apne khata-waron ko apne hi daman mein lo Kaun kare ye bhala tum pe karoron durood

Kar ke tumhare gunah mangein tumhari panah Tum kaho daman mein aa tum pe karoron durood

Kar do 'adu ko tabah hasidon ko roo-ba-rah Ahl-e-wila ka bhala tum pe karoron durood

Hum ne khata mein na ki tum ne ata mein na ki Koi kami sarwara tum pe karoron durood

Kaam ghazab ke kiye us pe hai sarkar se Bandon ko chashm-e-raza tum pe karoron durood

Aankh ata kijiye us mein ziya dijiye Jalwa qareeb aa gaya tum pe karoron durood

Kaam woh le lijiye tum ko jo raazi kare Theek ho naam-e-Raza tum pe karoron durood