Jo Tera Tifal Hai Kamal

Jo tera tifl hai kaamil hai Ya Ghous Tufaili ka laqab waasil hai Ya Ghous

Tasawwuf tere maktab ka sabaq hai Tasarruf par tera aamil hai Ya Ghous

Teri sair ilAllah hi hai fi-Allah Ke ghar se chalte hi mausil hai Ya Ghous

Tu noor-e-awwal-o-aakhir hai Maula Tu khair-e-aajil-o-aajil hai Ya Ghous

Malak ke kuch bashar kuch jinn ke hain peer Tu Sheikh-e-aali-o-saafil hai Ya Ghous

Kitab-e-har dil-e-aasar-e-ta'arruf Tere daftar hi se naaqil hai Ya Ghous

Futuh-ul-Ghaib agar roshan na farmaye Futuhaat-o-Fusoos aafil hai Ya Ghous

Tera mansoob hai marfoo' us ja Izaafat raf' ki aamil hai Ya Ghous

Tere kaami mashaqqat se bari hain Ke bartar nasb se fa'il hai Ya Ghous

Ahad se Ahmad aur Ahmad se tujh ko Kun aur sab kun-makun haasil hai Ya Ghous

Teri izzat teri rif'at tera fazl Bifazlihi afzal-o-faazil hai Ya Ghous

Tere jalwe ke aage mantiqa se Mah-o-khor par khat-e-baatil hai Ya Ghous

Siyahi mail is ki chandni aayi Qamar ka yun falak mail hai Ya Ghous

Tila-e-mehr hai taksaal bahar Ke khaarij markaz-e-haamil hai Ya Ghous

Tu barzakh hai barang-e-noon-e-minnat Do jaanib muttasil waasil hai Ya Ghous

Nabi se aakhiz aur ummat pe faaiz Udhar qaabil idhar fa'il hai Ya Ghous

Nateeja hadd-e-ausat gir ke de aur Yahan jab tak ke tu shaamil hai Ya Ghous

Ala tooba lakum hai woh ke jin ka Shabana roz wird-e-dil hai Ya Ghous

Stop Wasting Storage - Download Lyrics in Lightweight Text Format!

Ajam kaisa Arab hill kya haram mein Jami har ja teri mehfil hai Ya Ghous

Hai sharh-e-ism-e-Al-Qadir tera naam Yeh sharh is matan ki haamil hai Ya Ghous

Jabeen-e-jubba farsai ka sandal Teri deewar ki kehgil hai Ya Ghous

Baja laya woh amr-e-saari'oo ko Teri jaanib jo musta'jil hai Ya Ghous

Teri qudrat to fitriyat se hai Ke Qadir naam mein daakhil hai Ya Ghous

Tasarruf wale sab mazhar hain tere Tu hi is parde mein fa'il hai Ya Ghous

Raza ke kaam aur ruk jayen haasha Tera saail hai tu baazil hai Ya Ghous