Jo Sidq e Dil Se

Jo sidq-e-dil se tumhara ghulam hojaye Toh us pe aatish-e-dozakh haram hojaye

Nuzool-e-rehmat-e-Haq bhi usi taraf ko ho Jidhar woh sarwar-e-aali maqam hojaye

Ilahi jis ke sabab se yeh arsh-o-farsh bane Usi ka mere bhi dil mein qayam hojaye

Khuda kare ke Madine ka ho safar har saal Hamari umr isi mein tamam hojaye

Tumhare roza-e-aqdas pe mera dam nikle Firaq-o-wasl ka qissa tamam hojaye

Na kyun ho mujh ko muqaddar pe apne naaz agar Sugan-e-Taiba mein mera bhi naam hojaye

Never Be Without Your Favorite Lyrics - Get the App for Offline Access!

Nazar se door ho ik pal agar jamal-e-Huzoor Mareez-e-ishq ko jeena haram hojaye

Yeh keh raha hai Fatar-da ke ghair mumkin hai Khilaf-e-marzi-e-Mehboob kaam hojaye

Adab se sharm se munh dhank le kare sajda Jo samne kabhi mah-e-tamam hojaye

Shikar mujh ko na kar nafs hoon ghulam-e-Huzoor Na tukre tukre kahin tera daam hojaye

Jameel-e-Qadri Razvi ka khatima bil-khair Tufail-e-Hazrat-e-Khairul-Anaam hojaye