Jo Seene Ko Madina

Jo seenay ko Madinah un ki yaadon say banatay hain Wohi toh zindagani ka haqeeqi lutf uthatay hain

Jo apni zindagi mein sunnatain un ki sajatay hain Unhain pyara Muhammad Mustafa apna banatay hain

Gham-e-Sarwar mein ronay ka qareena Ya-Ilahi day Mujhay afsos be-ja gham zamanay kay rulatay hain

More Lyrics, Less Storage - Install the App and Ditch the Screenshots!

Jo deedar-e-Muhammad ki tarap rakhtay hain seenay mein Nabiy-e-Pak un ko khwab mein jalwa dikhatay hain

Zamanah jis ko thukraday, har ik dhutkar day aisay Nikammay say nikammay ko bhi seenay say lagatay hain

Fida main kyun na ho jaaun, Nabi ki shaan-e-rehmat par Woh barh kar thaam letay hain qadam jab larkharatay hain

Jab un kay saamnay laal-e-Aminah ka muskurata hai Gham-o-aalam kay maaray huay gham bhool jatay hain

Bi-izn-e-Allah saari ne'amaton kay hain wohi qasim Hamein Aaqa khilatay hain hamein Aaqa pilatay hain

Madinay ki tamanna mein jiye jatay hain deewanay Keh jaanay kab hamein Aaqa Madinay mein bulatay hain

Hasad ki aag mein jal bhun kay Shaitan khaak urata hai Tera jashn-e-wiladat dhoom say jab hum manatay hain

Khuda-o-Mustafa naraz hotay hain suno un say Jo daarhi ko mundatay hain ya mutthi say ghatatay hain

Ghulam-o, mat daro mehshar ki garmi say chalay aao Woh Kausar kay pialay bhar kay piason ko pilatay hain

Nazaray un kay aagay hech hotay hain gulistan kay Jo sahra-e-Madinah kay manazir dekh aatay hain

Nahin hain nekian pallay magar ghabra na ay Attar Khata-karon ko bhi woh apnay seenay say lagatay hain