Jo Ho Sar Ko Rasai

Jo ho sar ko rasaai un ke dar tak To pahunche taj-e-izzat apne sar tak

Woh jab tashreef laaye ghar se dar tak Bhikaari ka bhara hai dar se ghar tak

Duhaai naakhudaaye be-kasaan ki Ke sailab-e-alam pahuncha kamar tak

Ilaahi dil ko de woh soz-e-ulfat Phunke seena jalan pahunche jigar tak

Na ho jab tak tumhaara naam shaamil Du'aain ja nahin saktin asar tak

Guzar ki raah nikli rah-guzar mein Abhi pahunche na the hum un ke dar tak

Khuda yun un ki ulfat mein gumade Na paaun phir kabhi apni khabar tak

Bajaaye chashm-e-khud uth ta na ho aar Jamaal-e-yaar se teri nazar tak

Teri ni'mat ke bhooke ahl-e-daulat Teri rahmat ka pyaasa abr tak

Na hoga do qadam ka faasla bhi Allahabad se Ahmadnagar tak

No More Screenshots! Save Storage with Our Lyrics App!

Tumhaare husn ke baade ke sadqe Namak-khwaar-e-malahat hai qamar tak

Shab-e-Me'raaj the jalwe pe jalwe Shabistaan-e-Dana se un ke ghar tak

Balaaye jaan hai ab veeraani-e-dil Chale aao kabhi is ujde ghar tak

Na khol aankhen nigaah-e-shauq-e-naaqis Bahut parde hain husn-e-jalwa-gar tak

Jahannum mein dhakelen Najdiyon ko Hassan jhooton ko yun pahunchaayein ghar tak