Jo Baat Zulm Se Na Hui

Jo baat zulm se na hui pyaar se hui Tehzeeb-e-zindagi tere kirdar se hui

Jo mehr-o-maah bhi na zamane ko de sake Woh roshni tere dar-o-deewar se hui

Imkaan ki haddon se pare tak tere qadam Paimaish-e-jahan teri parkaar se hui

Saahil ki aarzoo, nahin taleem-e-Mustafa ﷺ Yeh naao toh rawaana hi manjdhaar se hui

Mazloom ke lahoo ka muqaddar bhi jaag utha Is ki bhi qadr aap ki talwar se hui

Download Lyrics & Access Offline - Install Our App Now!

Patthar bhi khaye mere Rasool-e-Kareem ﷺ ne Meraj-e-haq bhi zeena-e-eesaar se hui

Takhleeq-e-kainaat bhi sadqa Huzoor ﷺ ka Taz-een-e-kainaat bhi Sarkar se hui

Izzat hui jahan mein Muzaffar ki aap ﷺ se Zar se hui na jubba-o-dastaar se hui