Jaye Gi Hansti Hui Khuld

Jaaye gi hansti hui khuld mein ummat un ki Kab gawara hui Allah ko riqqat un ki

Abhi phat-te hain jigar hum se gunah-garon ke Toote dil ka jo sahara na ho rehmat un ki

Dekh aankhein na dikha mehar-e-qayamat hum ko Jin ke saya mein hain hum dekhi hai surat un ki

Husn-e-Yusuf dam-e-Isa pe nahi kuch mauqoof Jis ne jo paya hai paya hai badaulat un ki

Un ka kehna na karein jab bhi woh chaahein hum ko Sarkashi apni to yeh aur woh chahat un ki

Paar ho jaaye ga ik aan mein beera apna Kaam kar jaaye gi mehshar mein shafa'at un ki

Hashar mein hum se gunah-gar pareshan khatir Afw-e-Rehman-o-Raheem aur shafa'at un ki

Why Screenshot When You Can Download? Get the App for Efficient Storage!

Khaak-e-dar teri jo chehron pe male phirte hain Kis tarah bhaaye na Allah ko surat un ki

Asiyo kyon gham-e-mehshar mein mare jaate ho Sunte hain banda-nawazi to hai aadat un ki

Jalwa-e-shan-e-Ilahi ki baharein dekho Qad ra'al haq ki hai sharah ziyarat un ki

Bagh-e-jannat mein chale jaayein ge be-pooche hum Waqf hai hum se masakeen pe daulat un ki

Yaad karte hain adu ko bhi dua hi se woh Saari duniya se nirali hai yeh aadat un ki

Hum hon aur un ki gali khuld mein waiz hi rahein Ae Hasanؔ un ko mubarak rahe jannat un ki