Jate Hain Sue Madina

Jaate hain su-e-Madinah ghar se hum Baaz aaye Hind bad-akhtar se hum

Maar daale be-qarari shauq ki Khush to jab hon is dil-e-muztar se hum

Be-thikano ka thikana hai yahi Ab kahan jaayen tumhare dar se hum

Tishnagi-e-hashr se kuch gham nahi Hain ghulaman-e-Shah-e-Kausar se hum

Apne hathon mein hai daman-e-Shafi' Dar chuke bas fitna-e-mahshar se hum

Naqsh-e-pa se jo hua hai sarfraz Dil badal dalenge us pathar se hum

Gardan-e-tasleem kham karne ke sath Phenkte hain baar-e-isyaan sar se hum

Gor ki shab taar hai par khauf kya Lau lagaye hain rukh-e-anwar se hum

Dekh lena sab muradein mil gayin Jab lipat kar roye unke dar se hum

No More Screenshots! Save Storage with Our Lyrics App!

Kya bandha hum ko Khuda jaane khayal Aankhein malte hain jo har pathar se hum

Jaane wale chal diye kab ke Hasanؔ Phir rahe hain ek bas muztar se hum