Janib e Maghrib Woh Chamka Aftab

Janib-e-maghrib woh chamka aftab Bheek ka mashriq se nikla aftab

Jalwa farma ho jo mera aftab Zarra zarra se ho paida aftab

Aariz-e-purnoor ka saaf aaina Jalwa-e-Haq ka chamakta aftab

Yeh tajalli gah-e-zaat-e-baht hai Zulf-e-anwar hai shab aasa aftab

Dekhne walon ke dil thanday kiye Aariz-e-anwar hai thanda aftab

Hai shab-e-daijoor-e-Taiba noor se Hum siyah-karon ka kala aftab

Bakht chamka de agar shan-e-jamal Ho meri aankhon ka tara aftab

Noor ke sanche mein dhala hai tujhe Kyun tere jalwon ka dhalta aftab

Nakhudai se nikala aap ne Chashma-e-maghrib se dooba aftab

Find Your Favorite Lyrics Anytime, Anywhere - Install the App Today!

Zarra ki tabish hai un ki raah mein Ya hua hai gir ke thanda aftab

Garmiyon par hai woh husn-e-bezawal Dhoondta phirta hai saya aftab

Un ke dar ke zarra se kehta hai mehr Hai tumhare dar ka zarra aftab

Shaam-e-Taiba ki tajalli dekh kar Ho teri tabish ka tadka aftab

Roo-e-Moula se agar uthta niqab Charkh kha kar ghash mein girta aftab

Keh rahi hai subh-e-mawlid ki ziya Aaj andhere se hai nikla aftab

Woh agar dein nikhat-o-tal’at ki bheek Zarra zarra ho mehakta aftab

Talway aur talway ke jalway Par nisar pyara pyara noor pyara aftab

Ae Khuda hum zarron ke bhi din phirein Jalwa farma ho hamara aftab

Un ke zarra ke na sar chadh hashr mein Dekh ab bhi hai sawera aftab

Jis se guzray ae Hasan woh mehr-e-husn Us gali ka ho andhera aftab