Janab e Mustafa Hon Jis Se

Janab-e-Mustafa hon jis se na-khush Nahi mumkin ke ho us se Khuda khush

Shah-e-konain ne jab sadqa baanta Zamanay bhar ko dam mein kar diya khush

Salateen mangtay hain bheek us se Yeh apnay ghar se hai un ka gada khush

Pasand-e-Haq Ta'ala teri har baat Tiray andaaz khush teri ada khush

Download Lyrics & Access Offline - Install Our App Now!

Mitein sab zahir-o-batin ke amraaz Madinah ki hai yeh aab-o-hawa khush

Fatarza ki mohabbat ke taqazay Ke jis se Aap khush us se Khuda khush

Hazaron jurm karta hoon shab-o-roz Khusha qismat nahi woh phir bhi na-khush

Ilahi day miray dil ko gham-e-ishq Nashat-e-dahr se ho jaaun na-khush

Nahi jaatein kabhi dasht-e-Nabi se Kuch aisi hai baharon ki faza khush

Madinay ki agar sarhad nazar aaye Dil-e-nashad ho be-intaha khush

Na le aaram dam bhar be-gham-e-ishq Dil-e-muztar mein khush mera Khuda khush

Na tha mumkin ke aisi ma'siyat par Gunah-garon se ho jata Khuda khush

Tumhari roti aankhon ne hansaya Tumharay ghamzada dil ne kiya khush

Ilahi dhoop ho un ki gali ki Miray sar ko nahi zill-e-Huma khush

Hasan naat-o-chunein sheerin bayani Tu khush bashi ke kar di waqt-e-ma khush